មុននេះបន្តិច បុរសម្នាក់ជិះគេចពីការត្រួតពិនិត្យច្បាប់ចរាចរណ៍ ត្រូវប៉ូលិសបាញ់របួសជើង
02-June-2016 | ដោយ មែន កំសត់
រាជធានីភ្នំពេញ ៖ បុរសម្នាក់បានរងរបួសជើងស្តាំដោយសារប៉ូលិសបាញ់ ខណៈជនរងគ្រោះបានជិះម៉ូតូគ្នាពីរនាក់ អត់ស្លាកលេខ និងកញ្ចក់ ម្នាក់ជិះនៅក្រោយអត់មួកការពារសុវត្ថិភាព បានបើកម៉ូតូរត់គេចពីការត្រួតពិនិត្យច្បាប់ចរាចរណ៍ ។
ហេតុការណ៍នេះបានបង្កឲ្យមានការភ្ញាក់ផ្អើលនៅវេលាម៉ោង២និង៤០ នាទីរសៀលថ្ងៃទី០២ មិថុនា ២០១៦ នៅតាមបណ្តោយផ្លូវជាតិលេខ៥ ស្ថិតក្នុងភូមិ-សង្កាត់ស្វាយប៉ាក ខណ្ឌប្ញស្សីកែវ ។
ជនរងគ្រោះឈ្មោះ អ៊ុត សនៀង អាយុ២៥ឆ្នាំ មុខរបរចាក់នំលក់ មានទីលំនៅក្នុងភូមិស្រែព្រីង ក្រុង-ខេត្តកំពង់ឆ្នាំង និងបុរសជិះពីក្រោយឈ្មោះ អឿន សុធារ៉ា អាយុ៣០ឆ្នាំ មានទីលំនៅក្នុងភូមិសង្កាត់ជាមួយគ្នា ។
បើតាមអ្នកឆ្លើយឆ្លងព័ត៌មាន បានឲ្យដឹងជំហានដំបូងមក ទៀតថា មុនពេលកើតហេតុ បុរសទាំងពីរនាក់បានជិះម៉ូតូមួយគ្រឿងម៉ាកវ៉េវ ព៌ណខ្មៅ ក្នុងបំណងទៅផ្ទះនៅក្រុងកំពង់ឆ្នាំង លុះមកដល់ចំណុចត្រួតពិនិតច្បាប់ចរាចរណ៍ស្ថិតក្នុងភូមិឃ្លាំង សាំង សង្កាត់-ខណ្ឌប្ញស្សីកែវ ក៍ជិះគេចរត់រហូតដល់ភូមិស្វាយប៉ាក ក៍ត្រូវប៉ូលិសផ្ទុះអាវុធត្រូវជើងស្តាំបុរសអ្នកបើកម៉ូតូ និងត្រូវប៉ូលិសនាំមកអធិការខណ្ឌប្ញស្សីកែវដើម្បីសួរនាំ ៕
ចំនួនអ្នកទស្សនា
- ថ្ងៃនេះ2041
- ម្សិលមិញ14181
- សប្តាហ៍នេះ2041
- ខែនេះ117191
- ឆ្នាំនេះ117191
- សរុប20559647